tirsdag 21. juni 2011

Kvar si boble...

Er det ikkje rart? Eg syns det. 

Vi har vore ein liten tur i syden. Der hadde vi det godt!
Så reiste vi heim...
Kjem sannsynlegvis aldri tilbake. Ikkje fordi det ikkje var ein bra stad å vere, for den var super! Berre fordi det er kjekt å reise til ein heilt ny stad neste gong..
Vi er heime i kvardagen. Vår kvardag. Med rutiner og vaner, med fleire gode minner og ein eller to nyansar brunare i huda.

Men det eg syns er rart, er altså at livet der går vidare utan meg.

Livet går faktisk vidare der i syden. Det bor andre på rommet mitt, maten vert servert til dei same tidene, badebassenga er fulle av andre solbrente turistar, sola skin og idag har ungane indianardag.
Alt dette foregår utan meg. 
Alle dei eg dikta spennande historier om er også  tilbake i kvardagen... Og eg kjem sannsynlegvis ikkje til å treffe nokon av dei igjen heller.
Dei lever utan meg i livet sitt.
Hotellet og Lollo og heile staden vi var på er også kvardagen til nokon. 
Uten meg.
Heilt uavhendig av om eg er der... 

Kanskje ein rar ting å syns er rart, men eg berre tenkjer på kor mykje eg ikkje er med på her i mi litle verd, mi boble. Ikkje at eg saknar noko, eg har eit godt liv! Men så tenkjer eg på at alle dei som var der ilag med meg også har ei eiga lita boble. Så tenkjer eg at alle har ei boble, alle i heile verda. Og då vert det stort! For tenk at alle har ein kvardag, på godt og vondt... Og dei fleste kjemper for å overleve i denne kvardagen. Og alle sin kvardag er like mykje verdt som min. 

Eg må berre sei at eg vert overvelda. Sånn er det med den saken...

Håper alle får ein fin sommar, og at kvardagen vert ein god stad å kome tilbake til...

Ps Det verkar kanskje som eg meiner at eg er verdas midtpunkt eit par stader i denne teksta. Eg vil berre presisere at det er akkurat det eg meiner også!

Pps Berre tulla;)

Hihihi!

2 kommentarer:

  1. Så flott! Vi drar til et sydensted på fredag...vet akkurat hvordan det er...og selvfølgelig er vi midtpunkt i vår egen verden :)) Men det er veldig bra å få litt innblikk i andres verden, også...

    Klem

    SvarSlett
  2. Ooo! Djupe greier;) Visst vi heile tida skulle ta del i andre sine bobler, og dei i våre...då hadde det blitt litt mykje kanskje? Fredag kjem eg iallefall på besøk i bobla di. Det verte kjekt!

    SvarSlett

Eg vert kjempeglad om du legg igjen ein kommentar!