Då er eg i gong!

Som sagt har eg brukt mykje tid på dette. Grunnen til at eg til slutt bestemte meg er vel til slutt fordi eg har lyst å prøve og ikkje har noko å tape. Og eg tenker at det kan gjer at eg ser kvardagen litt frå skrå. Ser litt nærmare på kva som skjer kanskje? Med lupe - tihi;) For når eg skriv tenker eg meir etter, og eg likar å skrive og eg tenker, så då vert det sånn.. Det kan vel ikkje verte så gale. Trur eg. Det som kan gå litt gale er rettskriving, for det er lenge sidan eg har skrive nynorsk. Ber over med meg. 

Men kva har eg eigentleg å kome med? Eg har sjølvsagt gjort litt research. Hoppa litt frå blogg til blogg liksom. Det er monge bra bloggar altså! Men også rare, snåle, kjedelige og sære bloggar. Litt for einkvar smak vil eg tru... Min blogg skal vere heilt superbra, kjempeinteressant, nytenkande og veldig spennande! Minst!!! Sjølvsagt er den det. Iallfall for meg. 

Eg tenker å skrive om ting som opptek meg. Eg vil gjer ein innsats for å ha det bra her i livet og i verda og deler gjerne erfaringa med den som vil høyre. Eg syns "før og etter" er gøy, ikkje på Jan Thomas måten, men  i praksis. Du vil få sjå kva eg meiner. Når alt altså kjem til alt, så er dette for min eigen del. Likevel vert eg sjølvsagt glad om du likar det du les og syns det er spennande å følge med. Og eg gler meg til å lære meir og verte betre, legge inn bilder og kanskje til og med verte kjend med nye folk. Visst eg tør;)

Ps! Kvelden før eg oppretta bloggen var eg på Odd Nordstoga konsert. Han er så sjarmerande! Monge meiningar om det. Og nokre meiner til og med han ikkje syng om noko som helst, men eg syns det er heilt greit eg. For det er berre så koseleg! "Livet under lupa" er kanskje ikkje den muntraste songen, men eg syns det var treffande. Så då vart det det. Betre enn "Grisen står å hyler" iallfall!